Zgjat jetën e kartave të memories

Written By Alla Simacheva

Kartat e memories janë një element thelbësor në fotografinë dixhitale, duke regjistruar dhe ruajtur në mënyrë të sigurt fotot dhe videot që realizojmë me pajisjet tona fotografike. Ato na mundësojnë të ruajmë imazhet përkohësisht derisa t'i transferojmë në kompjuter, telefon, tablet ose cloud duke na çliruar nga nevoja për të pasur një laptop me vete gjatë gjithë kohës. Por a i dini tipet e kartave të memories, si t'i trajtoni ato me kujdes dhe çfarë të bëni në rast humbjeje të të dhënave?

1. Llojet, Markat dhe Performanca

Të gjitha kartat e memories janë dizajnuar kryesisht për të ruajtur të dhëna. Megjithatë, ka shumë karta të ndryshme të krijuara për t'iu përshtatur nevojave specifike, modeleve të kamerave dhe buxheteve. Jo të gjitha pajisjet përdorin të njëjtat karta memorie dhe jo të gjitha kartat e memories janë njësoj të qëndrueshme, të shpejta ose të besueshme.

Kartat e memories nuk ndryshojnë vetëm në kapacitetin e tyre (GB), por gjithashtu në performancën dhe qëndrueshmërinë e tyre. Faktorë kyç si shpejtësia e ruajtjes dhe leximit (shpesh e matur në MB/s), bitrate (e rëndësishme sidomos për video me cilësi të lartë), si dhe cilësia fizike e prodhimit luajnë një rol thelbësor në besueshmërinë dhe jetëgjatësinë e tyre.

Është thelbësore të blini karta cilësore. Kartat më të lira kanë më shumë gjasa të dështojnë gjatë fotografimit ose transferimit të imazheve, duke çuar në humbjen e tyre. Ato gjithashtu priren të jenë më pak të qëndrueshme dhe lehtësisht të ndikueshme nga kushtet atmosferike si shiu apo lagështia. Marka si SanDisk, Lexar, Kingstone janë opsione të përshtatshme dhe të besueshme për fotografët profesionistë. Shmangni blerjen e kartave të përdorura dhe markat e panjohura.

Ndërsa kartat SD dhe microSD janë më të zakonshmet, ekzistojnë edhe formate të tjera më të shpejta dhe të avancuara. Për kamera profesionale me kërkesa të larta si Fujifilm X-H2, përdoren shpesh karta CFexpress Type B. Këto karta ofrojnë shpejtësi ekstreme, të nevojshme për video 8K dhe fotografi RAW.

2. Këshilla për të Zgjatë Jetëgjatësinë dhe Besueshmërinë e Kartave të Memorjes

Kartat e memories janë një pjesë e jashtëzakonshme e teknologjisë, fizikisht të vogla por të afta të ruajnë informacion deri në 2 Terabajt. Megjithatë, ato kërkojnë përdorim të kujdesshëm për të jetuar sa më gjatë. Ja disa këshilla thelbësore:

  • Ndalo fotografimin në rast problemi: Nëse ndodh një problem gjatë një seti fotografik, fikni aparatin, hiqni kartën fizikisht dhe vendoseni në një vend të sigurt. Vazhdimi i shkrepjes mund të shkaktojë mbivendosje dhe humbje të imazheve të vjetra.

  • Mbani karta rezervë: Gjithmonë mbani me vete të paktën një kartë rezervë. Disa karta me kapacitet të vogël (64 GB) janë më mirë se një kartë e vetme me kapacitet të madh, pasi kjo minimizon humbjen e të dhënave nëse një kartë ndalon së funksionuari.

  • Fikni aparatin para se të hiqni kartën: Heqja e kartës ndërsa kamera është ende e ndezur mund të ndërpresë procesin e shkrimit dhe të dëmtojë imazhet. Gjithashtu, shmangni shkrepjen kur bateria e aparatit është e ulët, pasi fikja e papritur mund të jetë e dëmshme.

  • Ruani kartat në siguri: Mbajini kartat të thata dhe të pastra, në një kuti të posaçme. Mos i ekspozoni në temperatura ekstreme, mos i hidhni në tokë, mos i përthyejini dhe mos i ekspozoni ndaj rrymave elektromagnetike. Kështu, kartat do të mbeten në gjendje të mirë për vite me radhë!

  • Hiqeni kartën në mënyrë të sigurt nga kompjuteri: Pasi të keni transferuar imazhet, klikoni me të djathtën në diskun përkatës dhe zgjidhni "Eject" ose "Safely Remove Hardware". Kjo parandalon dëmtimin e kartës.

  • Formatojeni periodikisht përmes aparatit: Formatojeni kartën direkt nga aparati juaj fotografik, jo nga kompjuteri. Kjo e bën kartën gati për serinë e re të shkrepjeve.

Një shënim i rëndësishëm për kartat microSD dhe adaptorët SD: Përgjithësisht nuk është një ide e mirë të përdorni karta microSD me adaptues SD për xhirime serioze fotografike ose video, sidomos për formate me cilësi të lartë si 4K ose shkrepje me RAW files. Adaptori shton një pikë shtesë të mundshme dështimi, mund të ndikojë në performancën e shpejtësisë pavarësisht specifikave të kartës, dhe është më pak i qëndrueshëm mekanikisht. Për performancë dhe besueshmëri maksimale, gjithmonë zgjidhni kartën SD me madhësi të plotë të duhur për kamerën tuaj.

3. Humbje Dhe Rikuperim i Të Dhënave? Ne Mund të Ndihmojmë!

Pavarësisht masave paraprake, ndonjëherë gjërat mund të shkojnë keq. Nëse ju ndodh diçka me materialet tuaj dhe keni humbur foto apo video të rëndësishme, mos u shqetësoni! Ne jemi këtu për t'ju ndihmuar. Mund të na kontaktoni dhe ne mund të provojmë të rikuperojmë te dhenat e humbura pa pagesë. Ekipi ynë i SUKSES PËR MËNGJES® është i gatshëm t'ju ofrojë mbështetje dhe ekspertizë për të rikthyer kujtimet tuaja dixhitale.

Alla Simacheva